Talathi Bharti 2026: राज्यात लवकरच १७०० तलाठ्यांची भरती होणार आहे. महसूल मंत्री चंद्रशेखर बावनकुळे यांनी ही माहिती दिली असून, या प्रक्रियेला सुरुवात झाली आहे. महसूल सेवकांना तलाठी भरतीत राखीव जागा देण्याबाबत सकारात्मक चर्चा झाली आहे. गेल्या काही महिन्यांपासून रिक्त असलेल्या ग्राम महसूल अधिकाऱ्यांची म्हणजेच तलाठ्यांची ही पदे भरली जाणार आहेत. यामुळे स्पर्धा परीक्षांचा अभ्यास करणाऱ्या उमेदवारांना डिसेंबर अखेरपर्यंत आनंदाची बातमी मिळण्याची शक्यता आहे.
राज्यात गेल्या काही महिन्यांपासून तलाठ्यांची १७०० पदे रिक्त होती. ही पदे भरण्यासाठी शासनाने प्रक्रिया सुरू केली आहे. महसूल मंत्री चंद्रशेखर बावनकुळे यांनी याबाबत माहिती दिली. यामुळे नोकरीच्या शोधात असलेल्या तरुणांना दिलासा मिळणार आहे. तज्ज्ञांच्या मते, डिसेंबर अखेरपर्यंत या भरती प्रक्रियेबाबत अधिक माहिती समोर येऊ शकते. सध्या राज्यात एकूण ४६४४ तलाठी पदे रिक्त असून त्यापैकी १७०० ही नवी पदे आहेत.
२०२३ सालच्या तलाठी भरती प्रक्रियेत काही गैरप्रकार झाले होते. तसेच, नियुक्तीवेळी पेसा क्षेत्रातील पदांवरूनही समस्या निर्माण झाली होती. यावर न्यायालयीन निर्णय प्रलंबित आहे. मात्र, शासनाने पेसा क्षेत्रातील उमेदवारांना ११ महिन्यांसाठी नियुक्तीचे आदेश दिले आहेत. न्यायालयाच्या निर्णयानुसार पुढील कार्यवाही केली जाईल.
Talathi Bharti 2026:महसूल सेवकांना तलाठी भरतीत राखीव जागा
जाहिरात / पोस्ट मधील मुख्य माहिती व मुद्दे
महसूल सेवकांची एक प्रमुख मागणी होती की त्यांना चतुर्थ श्रेणीमध्ये समाविष्ट करून मानधनाऐवजी वेतनश्रेणी मिळावी. या मागणीवर महसूल मंत्र्यांनी मंत्रालयात बैठक घेतली. वेतनश्रेणी लागू करणे शक्य नसल्याने, त्यांना तलाठी भरतीत काही जागा राखीव ठेवण्याचा आणि अनुभवानुसार अधिक गुण देण्याचा प्रस्ताव विचाराधीन आहे. यावर सकारात्मक चर्चा झाली असून, महसूल सेवकांचे प्रश्न प्राधान्याने सोडवले जातील, असे आश्वासन महसूल मंत्री बावनकुळे यांनी दिले आहे.
या बैठकीला राज्याचे मुख्य सचिव राजेश मिना, सामान्य प्रशासन विभागाच्या अतिरिक्त मुख्य सचिव व्ही. राधा, वित्त विभागाचे अप्पर मुख्य सचिव सचिव ओमप्रकाश गुप्ता, महसूल विभागाचे अप्पर मुख्य सचिव विकास खारगे आणि महसूल सेवक संघटनेचे पदाधिकारी उपस्थित होते. महसूल मंत्र्यांनी महसूल सेवकांचे उपोषण सोडवताना त्यांचे प्रश्न सोडवण्याचे आश्वासन दिले होते. त्यानुसार, वरिष्ठ अधिकाऱ्यांसोबत झालेल्या बैठकीत विविध पर्यायांवर चर्चा झाली. महसूल सेवकांना चतुर्थ श्रेणी वेतनश्रेणी लागू करण्याबाबत तरतूद नसल्याचे स्पष्ट झाले. त्यामुळे, पर्यायी व्यवस्था म्हणून तलाठी भरतीत त्यांना काही जागा राखीव ठेवण्यावर भर देण्यात आला.
Talathi Bharti 2026
पदाचे नाव –तलाठी
पद संख्या – ४६४४ जागा
शैक्षणिक पात्रता –पदवीधर (मूळ जाहिरात वाचावी.)
वयोमर्यादा – १८ ते ३८ वर्षे
परीक्षा शुल्क – खुला वर्ग रु. १०००/- – राखीव वर्ग : ९००/-
Talathi Bharti 2026 महाराष्ट्रात तलाठी भरतीसाठी जिल्हानुसार उपलब्ध असलेल्या एकूण ४६४४ रिक्त पदांची सविस्तर माहिती समोर आली आहे. या माहितीतून प्रत्येक जिल्ह्यात किती जागा उपलब्ध आहेत याचे स्पष्ट व अचूक चित्र उमेदवारांना मिळत आहे. विशेष बाब म्हणजे, या एकूण रिक्त पदांपैकी १७०० पदे ही नव्याने मंजूर करण्यात आलेली असून, त्यामुळे तलाठी भरतीची व्याप्ती आणि संधी लक्षणीयरीत्या वाढली आहे.
जिल्हानुसार जागांची संख्या निश्चित झाल्यामुळे उमेदवारांना आपल्या पसंतीच्या जिल्ह्यानुसार तयारी करण्यास, स्पर्धेचा अंदाज घेण्यास तसेच अर्ज करताना योग्य निर्णय घेण्यास मोठी मदत होणार आहे. यामुळे अभ्यासाची दिशा ठरवणे अधिक सोपे होईल आणि उमेदवार आपली रणनीती अधिक प्रभावीपणे आखू शकतील.
अधिकृत अधिसूचना प्रसिद्ध झाल्यानंतर भरती प्रक्रियेतील पात्रता निकष, अर्ज करण्याची पद्धत, परीक्षा पॅटर्न, अभ्यासक्रम, आरक्षण नियम तसेच महत्त्वाच्या तारखा याबाबतची अंतिम व सविस्तर माहिती जाहीर केली जाईल. त्यामुळे इच्छुक उमेदवारांनी नियमितपणे अधिकृत संकेतस्थळावर लक्ष ठेवणे आणि तयारीला आतापासूनच सुरुवात करणे आवश्यक आहे.
Talathi Bharti 2026: महत्वाच्या लिंक्स :
नोकरी संबंधित अधिक माहितीसाठी खालील लिंक्सवर क्लिक करा:
Serch Your Dream Jobs
