Serch Your Dream Jobs
संपूर्ण मराठी शब्दसंग्रह 2021 म्हणी 13 Marathi Mhani ani Wakya prachar Kosh म्हणी आणि वाक्प्रचार … संपूर्ण मराठी (शब्दसंग्रह …MPSC Sampurna Marathi Shabd sangrah Vyakaran संपूर्ण मराठी शब्दसंग्रह व व्याकरण
संपूर्ण मराठी शब्दसंग्रह 2021 म्हणी 13
- धड ना संसार, नि धड ना तप- सर्व अर्धवट काम
- धड दिसेना नि मन बसेना – वस्तू जर चांगली नसेल तर तिच्याबद्दल आवड उत्पन्न होत नाही
- धरले तर चावते, सोडले तर पळते – काहीच उपयोगाचे नसणे
- धर्माची डाळ म्हणून पाखडून घाल – दानात मिळालेली वस्तू पाहूनच उपयोगात आणावी
- धनाची करी माया उडत्या पाखराची छाया – पैसा आज आहे उद्या नाही
- धन्याचे हाल, कुत्रे पडले लाल – मालकापेक्षा दिवाणजीच गब्बर
- धीर धरील तो खीर खाईल – जो भला मनुष्य असतो त्याचाच शेवटी फायदा होतो
- ध्वनी तसा प्रतिध्वनी – जशी क्रिया तशी प्रतिक्रिया
- धर टाक की लाव कागदाला – भरमसाठ वाटेल ते लिहणे
- धन दुपारची सावली आहे – पैसा फार थोडा काळ टिकतो
- धान्य तेथे घुशी – जेथे द्रव्य असते तेथे लोभी लोक जमतात
- नकटीच्या लग्नाला सतराशे विघ्ने – दोषयुक्त काम करणाऱ्यांच्या मार्गात एक सारख्या अनेक अडचणी येतात
- नदीचे मूळ आणि ऋषीचे कूळ पाहू नये – नदीचे उगमस्थान व ऋषीचे कूळ पाहू नये कारण त्यात काहीतरी दोष असतोच.
- न कर्त्याचा वार शनिवार – एखादे काम मनातून करायचे नसते तो कोणत्या तरी सबबीवर ते टाळतो
- नव्याचे नऊ दिवस – कोणत्याही गोष्टीचा नवीन पणा काही काळ टिकून कालांतराने तिचे महत्त्व नाहीसे होणे.
- नळी फुंकली सोनाराने इकडून तिकडे गेले वारे – केलेला उपदेश निष्फळ ठरणे. पालथ्या घड्यावर पाणी ओतण्याचा प्रकार. उपदेशाचा शून्य परिणाम होणे
- नवी विटी नवे राज्य- सगळीच परिस्थिती नवीन बसणे
- नाकापेक्षा मोती जड – मालकापेक्षा नोकर शिरजोर असणे
- नाव मोठ लक्षण खोट – बाह्य देखावा आकर्षक पण कृतीच्या नावाने मात्र शून्य
- नाव सोनुबाई हाती कथलाचा वाळा – नाव मोठे लक्षण खोटे.
- नाव देवाचे आणि गाव पुजाऱ्याचे – देवाच्या नावाने स्वार्थ जपणे.
- नाक दाबले, की तोंड उघडते – एखाद्या माणसाचे वर्म जाणून त्यावर योग्य दिशेने दबाव आणला, की चुटकीसरशी ताबडतोब हवे ते काम करून घेता येते.
- नागव्यापाशी उघडा गेला, रात्रभर थंडीने मेला – आधीच दरिद्री असणाऱ्याकडे मदतीला जाणे.
- नागिन पोसली आणि पोसणाराला डसली – वाईट गोष्ट जवळ बाळगल्या वर ती कधी ना कधी उलटतेच
- नाचता येईना अंगण वाकडे – आपल्याला एखादे काम करता येत नसेल तेव्हा आपला कमीपणा लपविण्यासाठी संबंधित गोष्टीत दोष दाखवणे
- नावडतीचे मीठ आळणी – आपल्या विरोधात असणाऱ्या माणसाने कोणतीही गोष्ट किती चांगली केली तरी आपल्याला ती वाईटच दिसते
- निंदकाचे घर असावे शेजारी – निंदा करणारा माणूस उपयोगी ठरतो त्यामुळे आपले दोष कळतात
- नेसेन तर पैठणी (शालू) च नेसेन, नाही तर नागवी बसेन – अतिशय हटवादीपणाची वर्तन करणे
- नकटा तो नकटा, पण घी तो चट्टा – कुरूप असला तरी भरपूर खाण्यास लागणारा
- नऊ कारभारी अठरा चौधरी – अनेक मालक जिथे असतात तिथे अनागोंदी कारभार असतो
- नंदी आला घरी, त्याचा आदर करा – पाहुणा जरी नको असला तरी त्याचेही स्वागत करावेच लागते
- नजर गेली शेजारी ,लक्ष उडाले संसारी – घरच्या पेक्षा बाहेरच अधिक लक्ष असणे
- नकटे रहावे पण धाकटे राहू नये – शरीरात काही व्यंग असल्यास चालते पण धाकटे राहू नये. कारण धाकट्या ची प्रतिष्ठा कमी असते
- नखभर सुख हातभर दुःख – जगात सुख फार कमी असते, दुःखच अधिक असते
- नवा मनू नवा धनू – सुधारलेला काळ आणि सुधारलेली हत्यारे
- नवे ते हवे – नवीन वस्तू प्रत्येकालाच आवडते
- नाक खाजवले आणि नकटे वरमले – चांगल्या दृष्टीने जरी एखादी गोष्ट म्हटली तरी ती वाईट आहे असे समजणे
- नाजूक नार तिला चाबकाचा मार – ढोंगी माणसाला चाबकाचाच मार द्यायला हवा
- नाकाने कांदे सोलणे – अधिक बढाया मारणे
- नात तशी पोती – माणूस आपल्या परंपरेच्या वळणावर जातो
- नारळही पाहिजे आणि खोबरेही पाहिजे – दोन्हीकडून फायदा झाला पाहिजे
- नार्‍या नागविला न तुक्या उजविला – एका सत्कर्माने दुसर्‍या दुष्कर्माचा नाश
- नार्‍या जाणे बारा तर कोशा जाणे साडेतेरा – एकाहून एक श्रेष्ठ
- नाव अन्नपूर्णा, टोपल्यात भाकर उरेना- नाव मोठे लक्षण खोटे
- नाही निर्मळ जीवन काय करील साबण – जेथे मनच स्वच्छ नाही तेथे साबण काय करणार
- निश्चयाचे बळ | तुका म्हणे तेची फळ – जर निश्चय पक्का असेल तर फळ निश्चित असते
- नित्य मरे त्याला कोण रडे – तेच तेच घडत असल्यास काहीच दुःख होत नाही
- नेसायला आरेसे , पुरायला पैसे – फाटकी वस्त्रे नेसायची पण गाठीला द्रव्य ठेवायचे
- नेहमीचा पाहुणा तो तिसर्‍या दिवशी दिवाणा – अधिक दिवस राहणार्‍या पाहुण्याचा मान राहत नाही
- पळसाला पाने तीनच – सर्वत्र सारखीच परिस्थिती असणे
मोफत सरकारी नोकरी अपडेट्स मिळविण्या साठी App डाउनलोड करा
