संपूर्ण मराठी शब्दसंग्रह 2021 म्हणी 5

संपूर्ण मराठी शब्दसंग्रह 2021 म्हणी 5 Marathi Mhani ani Wakprachar Kosh म्हणी आणि वाक्प्रचार … संपूर्ण मराठी (शब्दसंग्रह …MPSC Sampurna Marathi Shbdsangrah Vyakaran संपूर्ण मराठी शब्दसंग्रह व व्याकरण 4:34 PM 4:34 PM

संपूर्ण मराठी शब्दसंग्रह 2021 म्हणी 5

• एका म्यानात दोन तलवारी राहू शकत नाहीत – दोन तेजस्वी माणसे एकत्र गुण्यागोविदाने नांदू शकत नाहीत दोन सवती एका घरात सुखासमाधानाने राहू शकत नाहीत.
• एकाची जळते दाढी दुसरा त्यावर पेटवू पाहतो विडी – दुसऱ्याच्या अडचणींचा विचार न करता त्यातही स्वतःचा फायदा पाहण्याची दृष्टी ठेवणे.
• एकाने गाय मारली म्हणून दुसऱ्याने वासरु मारु नये – दुसऱ्याने केलेल्या मोठ्या वाईट गोष्टींकडे बोट दाखवून आपण केलेल्या वाईट गोष्टीचे समर्थन करू नये.
• ऐरावत रत्न थोर | त्यासी अंकुशाचा मार | – मोठ्या व्यक्तीला यातनाही तेवढ्यात असतात.
• ओळखीचा चोर जीवे न सोडी – ओळखीचा शत्रू हा अनोळखी शत्रूपेक्षा धोकादायक असतो.
• ओ म्हणता ठो येईना – अगदीच अक्षर शत्रू असणे 
• ओठातून की पोटातून  – वरवर  की मनापासून 
• ओठात एक आणि पोटात एक  – मनात वेगळे आणि बाहेर बोलणे वेगळे 
• ओले जळते आणि वाळलेही जळते  – वाईटाबरोबर कधी चांगल्या माणसाचेही नुकसान होते 
• ओटी तेच पोटी  – बोलावे तसे वागावे 
• औट घटकेचे राज्य  – थोडा काळ टिकणारे ऐश्वर्य 
• औषधावाचून खोकला गेला  – काही न करता विघ्न टळले 
• कर नाही त्याला डर कशाला – ज्याने काही गुन्हा किंवा वाईट गोष्ट केली नाही त्याने शिक्षा होण्याचे भय कशाला बाळगावयाचे
• कामापुरता मामा ताकापुरती आजी  – आपले काम करून घेईपर्यंत एखाद्याशी गोड बोलणे.
• काळ आला होता , पण वेळ आली नव्हती – नाश होण्याची वेळ आली असताना थोडक्यात बचावणे.
• कानामगून आली आणि तिखट झाली – मागून येऊन वरचढ होणे.
• करावे तसे भरावे – जसे कृत्य असेल त्याप्रमाणे चांगलेवाईट फळ भोगावे लागते.
• कधी गाडीवर नाव तर कधी नावेवर गाडी – कधी गरीबी तर कधी श्रीमंती येणे.
• कुर्‍हाडीचा दांडा गोतास काळ – आपलाच माणूस आपल्या नाशाला कारणीभूत होतो.
• काठी मारल्याने पानी दुभंगत नाही  – रक्ताचे नाते तोडून म्हणता तुटत नाही.
• कडू कारले तुपात तळले – साखरेत घोळले तरीही कडू ते कडूच किती ही प्रयत्न केला तरीही माणसाचा मूळ स्वभाव (दूर्वर्तणी) बदलत नाही.
• करुन करुन भागला, देवध्यानी लागला – भरपूर वाईट कामे करून शेवटी देवपुजेला लागणे.
• कधी तुपाशी तर कधी उपाशी – सांसारिक स्थिती नेहमी सारखी राहत नाही.
• कशात काय अन फाटक्यात पाय – वाईटात आणखी वाईट घडणे
• कुडी तशी पुडी – देहाप्रमाणे आहार असतो.
• कावळा बसायला अन फांदी तुटायला – परस्परांशी कारण-संबंध नसताना योगायोगाने दोन गोष्टी एकाचवेळी घडणे.
• काडीचोर तो माडीचोर – एखाद्या माणसाने क्षुल्लक अपराध केला असेल तर त्याचा घडलेल्या एखाद्या मोठ्या अपराधाची संबंध जोडणे.

Download Free Job Alert App