Serch Your Dream Jobs
संपूर्ण मराठी शब्दसंग्रह 2021 म्हणी 12 Marathi Mhani ani Wakya prachar Kosh म्हणी आणि वाक्प्रचार … संपूर्ण मराठी (शब्दसंग्रह …MPSC Sampurna Marathi Shabd sangrah Vyakaran संपूर्ण मराठी शब्दसंग्रह व व्याकरण
संपूर्ण मराठी शब्दसंग्रह 2021 म्हणी 12
- दैव देते आणि कर्म नेते – नशिबामुळे उत्कर्ष होतो; पण स्वतःच्या कृत्यामुळे नुकसान होते.
- दैव नाही लल्लाटी, पाऊस पडतो शेताच्या काठी – नशिबात नसल्यास जवळ आलेली संधी सुद्धा दूर जाते.
- दैव आले द्यायला अन् पदर नाही घ्यायला – नशिबाने मिळणे परंतु घेता न येणे
- दैव उपाशी राही आणि उद्योग पोटभर खाई -नशिबावर अवलंबून असणारे उपाशी राहतात तर उद्योगी पोटभर खातात.
- दोन मांडवांचा वऱ्हाडी उपाशी – दोन गोष्टीवर अवलंबून असणाऱ्या चे काम होत नाही.
- दृष्टीआड सृष्टी – आपल्या मागे जे चालते त्याकडे दुर्लक्ष करावे.
- दही खाऊ की मही खाऊ – हे करू की ते करू
- दमडीची कोंबडी रुपयाचा मसाला – क्षुल्लक गोष्टीला अधिक खर्च
- दया क्षमा शांती तेथे देवाची वस्ती – जेथे दया ,क्षमा ,शांतीआहे तेथे परमेश्वर वास करतो
- दक्षिणा तशी प्रदक्षिणा – जशी दक्षिणा देतात तसाच भाव देतात
- दये सारखा धर्म नाही – दुसर्या वर दया करणे हा सर्वश्रेष्ठ धर्म आहे
- दाम तसे काम – जशी मजुरी तसे काम
- दाट पेरा देई नुसता चारा – खूप दाट पेरणी केल्यास केवळ चारच होतो
- दिल्या भाताचा हलक्या हाताचा – सांगकाम्या मनुष्य
- दिवसा चूल आणि रात्री मूल – एवढे काम की मुळीच वेळ नसणे
- दिल्या भाकरीचा सांगितल्या चाकरीचा – दुसर्याची भाकरी पत्करून मिळेल ते अन्न खाऊन जगणे
- दिसते तसे नसते म्हणून जग फसते – बाहेरून अनेक वस्तू सुंदर दिसतात पण आतून त्या तशा नसतात
- दिसायला काम नाही बसायला वेळ नाही – सतत कामात असणे पण काम दिसून न येणे
- दिसायला भोळा आणि मुदलावर डोळा – दिसायला भोळा पण मतलबाचा पक्का
- दुःख सांगावे मना, सुख सांगावे जना – दुःख स्वतःच पचवावे , सुख मात्र सर्वाना सांगावे
- दुसर्याच्या माथे तुळजापूरला जाते – दुसर्याच्या जीवावर मौजमजा करणे
- दुहेरी बोलाची कवडी मोलाची – दोन्हीं कडून बोलणाऱ्यांची किंमत कमी करणे
- देव तारी त्याला कोण मारी – देवाची कृपा असल्यावर कोण वाईट करू शकेल
- देवाची करणी नारळात पाणी – परमेश्वराच्या कृतीचा उलगडा माणसाच्याने होत नाही
- देवाला फूल घराला मूल – ज्याप्रमाणे देवाच्या मूर्तीवर फूल शोभून दिसते त्याप्रमाणे घरात मुलाने शोभा येते
- दहा मरावे पण दहांचा पोशिंदा मरू नये – शेकडो सामान्य माणसे मेली तरी इतके वाईट वाटत नाही पण ज्यावर शेकडो लोक अवलंबून असतात तो जर मरण पावला तर अतिशय वाईट वाटते
- दादा राम राम – फक्त कामापुरता संबंध
- दानधर्म किल्ली स्वर्गदार उघडवी – दानधर्म केल्याने स्वर्गाची प्राप्ती होत असते
- दाणा दाणा टिपतो पक्षी पोट भरतो – थोडे थोडे काम केल्यास बरेच मोठे काम होते
- दारू चढते अक्कल जाते – दारूची नशा आली म्हणजे बुद्धी नष्ट होते
- दिवस जातो पण बोल उरतो – काळ निघून जातो पण वाईट शब्द कायम राहतात
- दिवस सर्व सारखे नसतात – मनुष्याचा काळ नेहमी सारखा नसतो
- दिसताच पूर सगळे गिळे – थोडासुद्धा धीर नसणे
- दीड हळकुंडात दिपवाळी – थोडेसे मोठेपण मिळाले की बिथरणे
- दुर्जनसंगापेक्षा एकांतवास बरा – दुष्ट मनुष्यासोबत संगत केल्यापेक्षा एकटे बसणे बरे
- दुष्ट मेला, विटाळा गेला – दुष्ट माणूस मेला तर लोकांना वाटते बरी बला गेली
- देवळात दाटी अंगारा साठी – क्षुल्लक गोष्टीसाठी धडपड
- दो बोला साख झेली – तोंड चोपडी
- दोन्ही हाती पुर्या नवसाबाई खऱ्या – फायदा होत असेल तर स्तुती करणे
- दसकी लकडी एकका बोजा – प्रत्येकाने थोडा थोडा हातभार लावल्यास सहकार्याने मोठे काम पूर्ण होते
- दुनिया झुकती है। झुकानेवाला चाहिये – लोकांना मूर्ख बनवणारा अगर फसविणारा एखादा ठकसेन असला तरी फसले जाणारे अनेकजण या जगात आहेत
- धर्म करता कर्म उभे राहते – एखादी चांगली गोष्ट करत असताना पुष्कळदा त्यातून नको ती निष्पत्ती होते.
- धनगराची कुत्रे लेंड्यापाशी ना मेंढ्यापाशी – कोणत्याच कामाचे नसणे.
- धिटाई खाई मिठाई, गरीब खाई गचांड्या – गुंड व आडदांड लोकांचे काम होते तर गरिबांना यातायात करावी लागते.
- धड तुला न मला घाल कुत्र्याला – काही माणस कशी असतात की त्यांचा स्वतः चा लाभ होत नसेल तर दुसर्या चाही लाभ होऊ नये म्हणून नासधूस करतात
