स्पर्धा परीक्षा महत्वाचे वाक्प्रचार व त्यांचे अर्थ-12 2022

स्पर्धा परीक्षा महत्वाचे वाक्प्रचार व त्यांचे अर्थ-12 2022 -स्पर्धा महत्वाचे वाक्प्रचार भाग 2 । मराठी वाक्प्रचार व त्यांचे अर्थ…Spardha pariksha vakyaprachar va tyanche artha 2022-Spardha pariksha marathi vkyakran 2022

  • डोळ्यावर धूर येणे – संपत्ती वगैरे गोष्टीनी उन्माद येणे.
  • डोळ्याशी डोळा भिडविणे – नजर भिडविणे.
  • डोळा असणे – एखादी वस्तू मिळावी अशी इच्छा असणे.
  • डोक्यात घोळणे – एक सारखे मनात येणे.
  • डोक्यावर खापर फोडणे – एखाद्यावर निष्कारण ठपका ठेवणे.
  • डोक्यावर मिरी वाटणे – वरचढ होणे.
  • डोके वाजविणे – विचार करणे.
  • डोक्याला हात लावून बसणे – चिंताग्रस्त होऊन बसणे.
  • डोक्यावर बसविणे – लायकीपेक्षा अधिक मान देणे.
  • डोक्यावरचे खांद्यावर येणे – ओझे, कर्ज इ. हलके होणे.
  • डोके टेकणे – हताश होणे.
  • डोके सुन्न होणे – काही एक विचार न सुचणे.
  • डोक्यात थैमान घालणे – एकच विचार पुन्हा पुन्हा मनात येऊन मन अस्वस्थ होणे.
  • डोके वर काढणे – उदयास येणे.
  • डोके मारणे – शिरच्छेद करणे.
  • डोके बधीर होणे – काय करावे ते न सुचणे.

  • डोक्यावरून पाणी फिरणे – एखाद्या गोष्टीचा कळस होणे, परमावधी होणे.
  • डोईजड वाटणे – शिरजोर होणे, भारी असणे.
  • डोईवर हात ठेवणे – आशीर्वाद देणे.
  • डोक्यावरून पाणी जाणे – व्यर्थ जाणे.
  • डोक्यावर बसणे – वरचढ होणे.
  • डोईवर हात फिरविणे – फसविणे.
  • डोईवर शेकणे – नुकसान पोचणे.
  • डोंगर पोखरून उंदीर काढणे – मोठे प्रयास करून थोडी कार्यनिष्पत्ती होणे.
  • ढवळाढवळ करणे – हस्तक्षेप करणे.
  • ढसढसा रडणे – खूप रडणे.
  • ढुंकून पाहणे – मुद्दाम डोके वळवून पाहणे.
  • ढोर कष्ट करणे – खूप कष्ट करणे.
  • ढोलके पिटणे- स्तोम माजवणे
  • तळपायाची आग मस्तकात जाणे – अतिशय संताप होणे.
  • तहान लागली की विहीर खणणे – गरज लागली की धावाधाव करणे.
  • तळहातावर शीर घेणे – जिवाची पर्वा न करता लढणे, जिवावर उदार होणे.
  • तंबी देणे – धाक घालणे, दटावणे.
  • तटस्थ राहणे – अलिप्त राहणे, आश्चर्याने स्तब्ध होणे.
  • तडीस नेणे (जाणे) – यशस्वी रीतीने एखादे काम पूर्ण करणे.
  • तहान भूक विसरणे – तन्मय होणे, तल्लीन होणे.
  • तळ देऊन बसणे – सैन्याचा मुक्काम देणे.

  • तडाखा देणे – प्रहार करणे, आघात करणे.
  • तळ देणे – मुक्काम करणे.
  • तलवार गाजवणे – पराक्रम करणे.
  • तळहाताच्या फोडासारखे वागविणे – काळजीपूर्वक सांभाळणे.
  • तळीराम गार करणे – जवळ द्रव्य जमवून मनाची तृप्ती करणे.
  • तरातरा चालणे – भरभर चालणे.
  • तडास्थ्यापासून सुटणे – तावडीतून सुटणे.
  • तत्वज्ञान लंगडे पडणे – कोणताही विचार लंगडा (अपुरा) वाटणे.
  • तळी भरणे – मदत करणे.
  • तमा न वाटणे – पर्वा न वाटणे. (तमा नसणे)
  • तळी उचलणे – अनेकजण मिळून एखाद्याला अधिकारच्युत करणे.
  • तदाकार होणे – एकरुप होणे.
  • तारांबळ उडणे – अतिशय घाई होणे, गडबड उडणे.
  • ताणून देणे – निवांत झोपणे.
  • तावडीत सापडणे – कचाट्यात सापडणे.
  • तापल्या तव्यावर पोळी भाजून घेणे – मिळालेल्या संधीचा फायदा उठविणे.
  • ताकाला जाऊन भांडे लपविणे – एखाद्या गोष्टीबद्दल इच्छा असूनही लज्जेने ती इच्छा नाही असे दाखविणे.
  • ताव चढणे – जोर चढणे, राग येणे.
  • तावडीतून सुटणे – कचाट्यातून सुटणे.

  • ताळमेळ नसणे – एका गोष्टीचा दुस-या गोष्टीशी काहीही संबंध नसणे.
  • ताळ्यावर आणणे – योग्य समज देणे.
  • ताटाखालचे मांजर होणे – अंकित जाणे, लाचार होणे.
  • ताल (ताळ) सोडणे – घरबंद नसणे.
  • तारे तोडणे – वेड्यासारखे भाषण करणे.
  • तार छेडली जाणे – भावना उत्कटपणे जागृत होणे.
  • तांडवनृत्य करणे – थयथयाट करणे. ताप देणे – त्रास देणे.
  • ताबूत थंडे होणे – आवेश ओसरणे.
  • तिष्ठत बसणे – वाट पहात बसणे.
  • तिलांजली देणे – वस्तूवरचा हक्क सोडणे.
  • तिखटमीठ लावून सांगणे – अतिशयोक्ती करून सांगणे.
  • तिरपीट उडणे – गोंधळून जाणे.
  • तिळपापड होणे – अंगाचा संताप होणे.
  • तुटून पडणे – निकाराचा हल्ला करणे, जोराने कामास लागणे.
  • तुणतुणे वाजवणे – क्षुल्लक गोष्ट पुन्हा पुन्हा सांगत सुटणे.
  • तुच्छ लेखणे – हलके मानणे, कमी मानणे.
  • तुच्छतेने पाहणे – तिरस्काराने पाहणे.
  • तूट येणे – नुकसान होणे.

  • तेळपट येणे – नाश होणे.
  • त्रेधा तिरपीट उडणे – धांदल उडणे.
  • त्रेधा उडणे – हाल होणे.
  • तोरा मिरविणे – दिमाख दाखविणे.
  • तोलास तोल देणे – बरोबरी करणे.
  • तोफ डागणे – रागावून खूप बोलणे, तोफेतून गोळे सोडणे.
  • तोल सुटणे – ताबा सुटणे.
  • तोफेच्या तोंडी देणे – संकाटात लोटणे.
  • तोड नसणे – उपाय नसणे.
  • तोडगा काढणे – मार्ग शोधून काढणे. (तोड काढणे)
  • तोंड टाकणे – वाटेल ते बोलणे.
  • तोंड गोड करणे – आनंद व्यक्त करण्यासाठी गोड पदार्थ खायला देणे.
  • तोंड शिवणे (मूग गिळून गप्प) – गप्प राहणे, काही न बोलणे.
  • तोंड देणे – सामना करणे, झुंजणे.
  • तोंडात काही न राहणे – माहीत असलेली गोष्ट मनात ठेवता न येणे.
  • तोंडाचा पट्टा सुरु करणे – एक सारखे बोलत राहणे.
  • तोंडचे पाणी पळणे – अतिशय घाबरणे, भयभीत होणे.
  • तोंडाची वाफ दवडणे – निष्फळ बोलणे.
  • तोंडात बोट घालणे – आश्चर्य वाटणे, अश्चर्यचकित होणे.
  • तोंडाला पाने पुसणे – चांगलेच फसविणे, दगा देणे.
  • तोंडाला पाणी सुटणे – हाव निर्माण होणे, लोभ उत्पन्न होणे.
  • तोंडावाटे ब्र न काढणे – एक ही शब्द न उच्चारणे.
  • तोंड लागणे – युद्धास सुरुवात होणे.
  • तोंड सोडणे – अपशब्द बोलणे, वाटेल तसे बोलणे.

  • तोंडाला कुलूप लावणे – एकदम गप्प बसणे.
  • तोंडात शेण घालणे – समाजात छिःथू होणे, फजिती होणे.
  • तोंडावर येणे – अगदी जवळ येणे.
  • तोंड काळे करणे – दृष्टीआड होणे, नाहीसे होणे.
  • तोंडाला मिठी बसणे – वीट येणे, कंटाळा येणे.
  • तोंड गोरेमोरे होणे – ओशाळणे.
  • तोंड चुकविणे – तोंड लपविणे.
  • तोंड रंगविणे – मारणे.
  • तोंडी लागणे – उलट उत्तर देणे.
  • तोंडी खीळ पडणे – तोंड बंद होणे.
  • तोंडास तोंड लागणे – भांडणाला सुरवात करणे.
  • तोंड फिरविणे – नाराजी प्रकट करणे.
  • तोंड दाबून बुक्क्यांचा मार – मुकाय्याने दुःख सहन करणे.
  • तोंड आवरणे – गप्प बसणे.
  • तोंडावाटे ब्र काढण्याची चोरी असणे – एकही शब्द उच्चारण्याची सोय नसणे.
  • तोंडावर सांगणे – समक्ष सांगणे.
  • तोंडास तोंड देणे – प्रत्युत्तर करून भांडण वाढविणे.
  • तोंड सुख घेणे – यथेच्छ बोलणे.
  • तोंड सुरु होणे – बोलणे सुरू होणे.
  • तोंड सांडणे – अमर्याद बोलणे.
  • तोंडाचे बोळके होणे – तोंडातले दात पडणे.
  • तोंडावर तुकडा टाकणे – गप्प बसावे म्हणून थोडेसे काही देणे.
  • तोंडावर हात फिरविणे – गोड बोलून फसविणे.
  • तोंड धरणे – बोलण्याची मनाई करणे.
  • तोंड दिसणे – बोलणारा वाईट ठरणे.
  • तोंड दाबणे – उलट बोलू न देणे.
  • तोंड घालणे – दोघांच्या संभाषणात तिस-याने बोलू लागणे.
  • तोंड पहात बसणे – विवंचनेत पडणे.
  • तोंड वाजविणे – बडबडणे.

About Sayli Bhokre

Check Also

राष्ट्रीय साततोटी हौद मंडळ ट्रस्ट कसबा पेठ पुणे

राष्ट्रीय साततोटी हौद मंडळ ट्रस्ट कसबा पेठ पुणे आतुरता आगमनाचीपुण्यातील सुप्रसिद्ध गणपती मंडळ ह्या वर्षी …

आरोग्य भरती रद्द करा, जिल्हा परिषद भरती सुरू करा – विद्यार्थ्यांचा ट्विटर वॉर

आरोग्य भरती रद्द करा, जिल्हा परिषद भरती सुरू करा – विद्यार्थ्यांचा ट्विटर वॉर, Jilha Parishad …

Dr. Babasaheb Ambedkar University Of Technology Recruitment 2022

Dr.Babasaheb Ambedkar University Of Technology Recruitment 2022, डॉ. बाबासाहेब आंबेडकर तंत्रज्ञान विद्यापीठ रायगड (Dr. Babasaheb Ambedkar …

Contact Us / Leave a Reply